Ahe Jakata Jubata Yesus ka Musuh Diri'
"Tetapi Aku berkata kepadamu: Kasihilah musuhmu & berdoalah bagi mereka yang menganiaya kamu."(Matius 5:44)
Dunia nian ampeatn ari nana tanang. Tele Rusia ba parang man Ukraina. Iran man Israel. Israel masih ba parang uga man Hamas-Palestina. China Ba bentes man Amerika. Na ati-ati ba parang uga Asia tenggara nian. Koa kaadaan dunia ampeatn ari. Udah mulaii bategetatn. Mulaii ba bunuh. Udah ina ada kasih agi.
Ka idup nian memang sumput kade ina ada kasih. Teget ka dangan. Dandam idup. Nana mare idup ka dangan. Salalu mao ba bentesa maan. Manusia memang lekoa. Tapi diri arus sadar. Jubata Yesus udah bakata:" Diri arus ngasihi man mabakngi nang musuhi diri".
Kata " kasih" mudah dikataatn ka molot sidi sulit parateknya. Sulit manjoatnya ka dalamp idup. Ahe agi urakng koa udah ngarugian, ngaloki, ngancam, manjoat nang nana sanunuh ka idup diri'. Ngarugiatn diri'.
Ahe jakata Jubata Yesus?Diri' arus me ngasihi urakng model lekoa. Diri' tatap babamang biar idupnya barubah, idupnya baik-baik man di barakati. Ina mudah memang tapi kade diri' taat ka Jubata Yesus pasti bisa. Ia nang manto diri' biar jadi palaku Firman-Nya.
Dunia nian nana ada ba bunuh. Nana ba sarang-sarang kade pamimpinnya nauan ka kata Jubata Yesus nian. Idup ba kasih nele negara lain. Koa uga urusan diri.
Kade sampe ari nian diri' teget, nana ba baikatn ka urakng nang udah jahat ka diri' udah nana baik ka diri' baarti diri nana nangar ahe nang Jubata Yesus madah ka diri'. Intinya diri' nana mulih jahat ka urakng nang jahat ka diri'. Arus, arus,arus.
