Balinukng ka Jubata

"Orang-orang benar diselamatkan oleh TUHAN; Ia adalah tempat perlindungan mereka pada waktu kesesakan; TUHAN menolong mereka dan meluputkan mereka, Ia meluputkan mereka dari tangan orang-orang fasik dan menyelamatkan mereka, sebab mereka berlindung pada-Nya" (Mazmur 37: 39-40)

Kade abut angat paling nyaman diri notok kayu nang labat  daukngnya. Diri ka bababahnya nana kana sinar mataari. Saat  ujatn diri ba songko, ba payukng bahkan singah doho ka dango, ka rumah. Biar diri  nana  ujatn.  Kade ba motor wajib ba helm. Kade tiba-tiba ada kecelakaan kapala diri talinukngi. Publik  pigur,  pejabat , pengusaha biasanya ada pangawalnya,  tujuannya bisa talinukngi.  Lea koa uga diri zaman Covid-19 wajib ba masker  biar talinukngi.

       Diri nian sabanarnya nana jago. Rawan sidi. Mudah sidi kana ancaman dari musibah. Mudah kana ancaman virus , bakteri  man urakng jahat. Maka koa manusia paralu ngango palinungan biar aman. Palinukng  nang sempurna koa atakngnya dari Jubata Yesus. Sae nang balinukng ka Ia dijamin aman. Untuk koa ame ngago  palinukng ka nang lain.

     Saat diri sasak idup Ia mare salamat.  Jubata pasti banto man matimpasatn dari urakng  nana sinunuh. Untuk koa batol-batolah balinukng ka ia. Manyak dangan nang masih nana picaya panuh. Nana batol-batol balinukng ka Jubata nang bakuasa. Kade dah lekoa mao lempahe agi. Ia pasti nana aman man nana aman.