Balajar Basarah Idup ka Jubata (Yer.17:7)
"'Diberkatilah orang yang mengandalkan TUHAN, yang menaruh harapannya pada TUHAN!" (Yeremia 17:7)*
Manusia ka talino nian dimare akal pikiran. Bapangalaman ka dalamp idup. Nape agi manyak barayukng ba urakng. Tapi ina samua ba mental gagas. Buke sabebet urakng nana ngandalatn Jubata ka dalamp idupnya. Nana basarah idup ka Jubata.
Ia udah ba pikir diri'nya mampu, bapangalaman, man barayukng man manyak urakng. Ditambah agi ia urakng baduit. Ia udah madah diri'nya koa hebat. Nana paralu Jubata agi. Ibalis repo nele galagat talino lekoa.
Ahe-ahe maan nang di rancang , nang di panjoat udah ina ingat ka Jubata. Jubata hanya ka molot nana nyatuk ka ati. Diri'nya, kakayaatnnya, pangalamannya man ayukngnya nang jadi andalatnnya. Diri ina mulih lakoa.
Ngandalatn Jubata buke baarti diri pamalas. Sanape diri' manjoat ahe maan basarah idup ka Jubata. Ba pindah ba pilih. Baba man balajar nyimpado Jubata ka idup nian. Balajar basarah. Hanya urakng nang basarah nang ada ba barakat ka paridupant.
Kade diri nana lekoa idup nampatatn ahe maan buke Jubata ka idup diiri' ingat sidi kutuk boh nang ada. Diri' baii dikutuk tapi idup ba barakat. Inje diri balajar ngandalatn Jubata, balajar basarah ka Jubata boh. Arus,arus,arus.
