Basarah ka Jubata , Idup Nana Busak (Mazmur 55:23)

*“Serahkanlah kuatirmu kepada TUHAN, maka Ia akan memelihara engkau! Tidak untuk selama-lamanya dibiarkan-Nya orang benar itu goyah.”*_ _*(Mazmur 55:23).*._

Damanya manusia idup pasti salalu ba pikir. Kadang nang dimikiri koa manyusahi ati, ma busak ati, manjoat jadi nana tanang. Manyak urakng jadi nana nyaman idup. Akhirnya barusaha ngago maraga biar idup tanang agi. Tapi buke katanangan nang ia namu malah tabaga. 

Idup nian arus ada pegangan. Maka koa satiap titi  ada rajakngnya. Biar urakng nang niti ada tampat ia ba pegang. Tanga lekoa uga ada tampat mampautnya. 

Kadang ada tampat mampautnya urakng bai magunaannya. Marasa masih kuat, marasa nana paralu. Diri' nang dah namu pegangan coba bapegangan.

 Diri' nian arus lea urakng nang dah tuha  sidi nang ba tongkat kade mao bajalatn. Lea urakng nang laka patah paha. Mao kamae ampus ba tongkat . Ada nang di megang .

Diri nian arus ba pegangan idup. Ba tongkat idup. Sae nang di pegang, sae nang jadi tongkat diri, jadi rajakng diri? Jubata Panampa pajaji nang udah jadi manusia,Yesus damanya. IA nang jamin idup nian(Mat.11:28)

Diri' basarah idup ka ia. Biar lempahe balonggo koa masalah,  diri' nana busak ati. Diri' tatap tanang   idup.  Soalnya diri' nauan ia nang mihara, nonoi, mentengi diri'. Jubata pasti nele ngedokng ka diri'. Diri ' pasti tanang idup. Arus,arus,arus