Picaya Jubata Nyukupi Kaparaluatn Diri' (Filipi 4:19)

“Allahku akan memenuhi segala keperluanmu menurut kekayaan & kemuliaan-Nya dlm Kristus Yesus .”* *(Filipi 4:19).
                                                                                Urakng ba sugih urakng nang kodo saranta sama maan. Sama-sama manyak kaparaluan. Urang basugih makin sugih paridupannya makin aus nambah pasugihatnya. Nang kodo saranta lekoa uga manyak nang ia mao ahe aka sengat ngecoh. Tapi nang ba sugih nang kodo saranta biasanya ba pinta. Kade urakng ba sugih ba pinta ka bank pake surat jaminan. Ba pinta ka ayukng nang sama-sama ba sugih. Nah nang kodo saranta  ba pinta ka sae? Ka page waris, ka urakng sakampongan, ka urakng nang di kanal. Kadang namu lebih manyak nana namunya. 

Nah diri nang udah picaya ka Jubata sama lea urakng lain manyak paralunya uga. Bedanya diri' ba pinta ka Jubata. Ba bamang, ba sampakng. Urakng nang ba Pinta ka Jubata urakng nang nauan ka diri'nya. Diri'nya ina ada ahe-ahenya kade dah baradapatn ba Jubata. 

Manyak uga urakng sakalipun udah picaya ka Jubata nana ba pinta ba pulih ka Jubata. Ia main atakng minta pinjaman antah ka bank antah ka urakng. Bukenya minta doho ka Jubata kade minta pinjaman dipalocor maraga. Minta ina pura-pura lupa mao mayar utangan. 

Diri' arus ingat lima roti dua eko ikatn, ingat burukng gagak nang mare makatn Elia. Jubata mampu mare ahe nang diri paraluatn ka idup nian. Diri nana mulih geba, na mulih busak. Picaya i sidi Jubata koa, ia pasti nyukupi diri idup. Arus, arus,arus.
Next Post Previous Post
No Comment
Add Comment
comment url