Pamareatn Jubata Nang Tarakng (Yoh.14:27)

*“Damai sejahtera Kutinggalkan bagimu. Damai sejahtera-Ku Kuberikan kepadamu, dan apa yang Kuberikan tidak seperti yang diberikan oleh dunia kepadamu. Janganlah gelisah dan gentar hatimu.” (Yohanes 14:27).*_. 

Bedanya nang dimare  Jubata nang Tarakng man dunia mare   ka diri'  arus diri nauan. Kade nana nauan sasat boh diri' idup.  Jubata Nang Tarakng madah , Ia mare ka diri' nian idup sunia. 

Idup nang sunia nian artinya idu baraseh, idup gagas, idup barajaki, idup nang  ba ati  tanang. Idup nang repo sidi. Antah gi sontok antah gi sugih. Sehat ge rongko. Dangan busak ia nana. Koalah urakng nang idup ba Jubata Tarakng. Ia ina lea dangan idup.

Kade nang buke dari Jubata koa udah pasti nana sunia idup. Leanya idup tapi nana ba gasah. Biarpun ahe ada ka rumahnya ia nana tanang.  Tanangnya hanya sabantar. Ia hanya nyaman make, nyaman makatn tapi ati busak. Mati-matiatn ba gago rajaki. Udah koa ujukng-ujukng ahe nang dinamu buke ba barakat, barajaki malah ba badi. Tapi koalah  urakng ka talino nian ngago , baarap bukenya dari pamareaatn Jubata nang tarakng. 

Ame geba, ame baga idup. Taap man tunaan  ahe nang Jubata koa mare ka diri'.   Ahe nang Ia madah ka diri'. koa ina salah. Tapi nang dunia nian mare tipuan samua. 

Ibaratnya urakng ngumpantni pilanuk pake buah nangka nang masak. Nari pilanuk nele ka buah nangka. Ia nana nauan ujung badel ka Ia. Sabantar nari langsung mati kana badel. Ina salah boh kade diri'nunaan Jubata nang tarakng koa. Ia  pasti mare idup nang sunia. Ame nana picaya.Arus,arus,arus.