Rahasia Nyaman tidur ?Mazmur 4: 8)

“Dengan tentram aku mau membaringkan diri, lalu segera tidur, sebab hanya Engkaulah, ya Tuhan yang membiarkan aku diam*_ _*dengan aman.” (Mazmur 4:8).*_   

Arus diakoi ada urakng nang gampang tidur. Asal namu bantal nana lama tatidur. Sangahe menit maan dah langsung bakoroh. Bamimpi.  Ada agi nang langsung tidur  na paralu bantal,  nana paralu tampat tidur nang bakasur. Dimae tampat kade matanya redo,  langsung bisa tatidur.  Mao  duduk, mao  nyanar, ahe agi babarikng nyap dinya.

Laka tidur tubuhnya sidi nyaman. Nana basakitatn. Tarakng agi matanya.  Kuat agi ia karaja. Nana dilumpatatn nana lumpat-lumpat. 

Ada urakng susah sidi tidur. Udah lama ka tampat tidur besap-besap maan matamya. Matanya baii dipajaman. Gunselah sidi. Biar ada ba bantal, ba kasor mang nyaman, ba- Ac agi biliknya  tatap koa mata besap-besap. Ina heran ada urakng mali obat tidur. Koa pun masih susah mata di pajaman. Padahal  duitnya ba karong-karong.

Ngahe ada urakng nang mudah sidi tidur, ada urakng nang susah tidur. Rahasianya koa rupanya  ada ka diri'nya sampe sajauh mae ia micayaii Jubata. Kade ia samak idup ka Jubata lalu basarah sidi ka Jubata udah pasti atinya koa nana busak. Nana ada ba  beban. Urakng nang lalian pasti nana susah tidur. Nana paralu lama ka tampat tidur, matanya udah pajam. Kade ia bakoroh tidur, dah lea sinso ka dangaratn korohnya. 

Lempahe kita' gampang tidur ke susah tidur. Kade susah tidur coba balajar basarah idup la Jubata. Balajar  idup nang basarah. Ame diri pikiri man pikut babaro masalah nang diri' adapi. Kade dah basarah lea panulis Mazmur koa,  ame nana picaya sidi  mudah tidur. Ta tidur  diamae tampat,dimae ampus. Arus,arus, arus.
Next Post Previous Post
No Comment
Add Comment
comment url