Aya Tuntutannya Me (Luk.12:48)

"Setiap orang yg kepadanya banyak diberi, dari padanya akan banyak dituntut, & kepada siapa yg banyak dipercayakan, dari padanya akan lebih banyak lagi dituntut.” (Lukas12:48)

Manyak urakng minta nian minta nang naun. Bagago nang nian,  bagago nang naun. Barusaha labih idup dari nang lain. Koa ina salah. Saarusnya memang lekoa. Tapi ame lupa makin manyak nang diri minta  man ngago lalu diri' namu, ame lupa  aya  koa   tanggong jawabnya. Aya tuntutannya.

Ame dipikir urakng nang bagalar, nang ba pangkat,  nang ba  harta, nang pintar, nana ada tanggongjawabnya. Makin aya, makin manyak, makin baderet, makin tingi  makin aya tuntutan ka ia kakoa. Koa kata Alkitab.

Contoh urakng nang ba galar pangalima, ba galar timanggong, nang ba galar pangurus adat, sampe nang ba galar parasiden, ina mudah. Buke hanya manusia nang nuntut labih agi Jubata nuntut  ka ia. Kade hanya ba galar ba jabatan lalu nana ba pangaruh  koa samua antu alok. Nana sasuai man jabatannya. ba nang ia namu. 

Lekoa uga nang jadi pangkaya urakng. Kade ia kaya mikiri ia babaro,mikiri ia sabuah bilik nana paduli ka page waris, ka sakampongan, ka sabaya sukunya man urakng luar koa pun pangkaya nana diasi. Ia arus manyak nolong urakng, mare pancing ka urakng buke ikatnnya.

Jabatan lekoa uga sama. Samua di tuntut pangaruhnya ka urakng manyak. Nele galar, nele jabatanan, nele kakayaatn urakng man ka pintaratn urakng rasanya mao lea ia kakoa uga diri idup. Tapi rupanya tuntutannya aya sidi. Jakata urakng ampeat ari arus ba "dampak".  Kade nana koa barat ana me,  pas  baadapan ba Jubata kade dah mati  baru ia ngarasanya. Antah ahe jawabannya kade ditanya" Ahe nang udah kao panjoat ?". 

Inje diri nele diri idup. Udah pas ge nape galar, jabatan, ka kayaan diri' ka pintaratn diri' koa baguna ka urakng lain. Kade nape mulaii babuat, ba tindak dari ampeatn. Arus,arus,arus.