Jubata Mare Kakuatatn Agi (Yes.40:31a)

"Tetapi orang-orang yang menanti-nantikan TUHAN mendapat kekuatan baru" (Yes.40:31a)     

Nunggu koa udah pasti nana nyaman. Ahe agi nang di nunggu nana muok-muok. Nana mare kabar. Hanya madah tunggu. Nang lalian salain nana past tapi uga  manjoat ati busak. Arus sabar.

Diri' ka talino nian manyak batunggu. Manyak nang di nunggu. Kade dah nunggu tarasa lama sidi. Ina sabebet urakng jadi lamah. 

Jubata bajanji Ia mao atakng, mao maba diri' tapi sanpe ari nian nana muok-muok. Memang ginape waktunya. Tapi Ia pasti muok, diri'arus ba siap.

Ada agi nang diri'arapatn capat laka. Udah pasti baarap sidi. Masalah idup nana talapas udah. Anak nang baga makin lama makin baga. Urakng tuha sidi baarap anak  jadi baik. Nang rongko miah ba arap bijak samuh. Nang paralu duit capat namu duit. Nang bagago jodoh capat namu jodoh. 

Nunggu namu koa nana mudah. Tapi kade diri' basarah, baarap ka Jubata Yesus picaya diri'jadi sabar. Jadi kuat nana geba. Nana tapangaruh. Nunggu tarus basabar tarus. Ananya pasti namu paso'nya. Jadi baarap tarus ka Jubata diiri' namu kakuatatn nang barahu agi. Arus,arus,arus.