Ikuti Ajaran

"Sebab itu turutilah dan lakukanlah segala sesuatu yang mereka ajarkan kepadamu, tetapi janganlah kamu turuti perbuatan-perbuatan mereka, karena mereka mengajarkannya tetapi tidak melakukannya."

( Matius 23:3)

Zaman are urakng Farisi man Saduki pangajar nang hebat. Pane ngajari dangan. Edo bahan ajarnya, edo uga cara ia ngajar dangan. Nang nana edo koa ia kakoa nana pane maratekatnnya ka paridupatnnya. Nana bisa jadi contoh. 

Rupanya nang lea urakng Farisi man Saduki nian tatap ada sampe ari nian. Pandekar ngajari dangan tapi ia nana pandekar maratekatnnya. Malah ia kakoa manjoat dangan tarantuk, kacewa.  Wajar.

Jubata Yesus ngingati diri. Diri arus ikuti ahe nang ia kakoa ajaratn ka diri' tapi ame ikuti sifat man kalakuannya. Zaman ampeatn bisa jadi koa rohaniawan, politisi, urakng tuha,  pamarentah. Nang pandekar ngajari dangan. 

Taringat ka kata dosen waktu balajar homolitik(ilmu bakotbah). Dosen koa madah khotbah nang paling edo kade sang pangkhotbah maratekatn ahe nang ia khotbahatn ka atas mimbar.  Koa janya khotbah nang paling gagas. 

Ampeatn ari manyak sidi rohaniawan nang maleset idupnya. Hanya pane ngomong, pane ngajari. Lea koa uga urakng tuha ka anaknya. Diri nana usah ngalukng kapala. Ikuti ajarannya ame ikuti kalakuannya. Diri uga nele ka diri lea kabatnya kakoa ge ina. Kade ina jubata repo nele diri, Arus,arus,arus.