Jubata Nang Ngalapasatn man Mindahatn Diri' (Kol.1:13)
"Ia telah melepaskan kita dari kuasa kegelapan dan memindahkan kita ke dalam Kerajaan Anak-Nya yang kekasih"(Kolose 1:13)
Ka kampokng kami gi are ada urakng nang dimalanggu. Ia nana bisa kamae-mae. Mani, bariha, baganti baju dikoa kana dikoa. Kasih nelenya nana bisa bakutitak.
Urakng nang di malanggu dimae ia dingaraganan, dikoa ia salamanya. Ia nana bisa bagunselah. Nana bisa bakutitak.
Lea koa uga diri' nian. Ibalis man dosa nang manjoat diri nana bisa bagunselah, nana bisa bakutitak. Dikoa kana dikoa. Ia nang bakuasa ka idup diri'. Koa dee me.
Diri' arus batarima kasih ka Jubata. Kade buke Jubata sampe ari nian diri nana badaya, nana ba kutitak. Diri'tatap dipalanggu Ibalis.
Jubata nang ngalapasatn diri', Jubata uga nang mindahatn diri'. Jadi diri' nian udah bebas, udah talapas. Ina agi dingikat, dipasukng, dipinjara di ibalis, diantu,didosa. Diri' nian udah ba pindah uga tampatnya dari kakuasan Ibalis man antu,man dosa. ampeatn ada ka kauasaan Jubata. Diri' udah jadi pangikut Jubata nang tarakng.
Ampeatn nian diri' arus nuha idup. Kade pikiran diri' kalakuan diri', pakataatn diri' parasa diri' masih koa kana koa. Nana ba beda, nana barubah. Sama lea urakng nang ka dunia nian. Baarti diri' nape dilapasatn, nape dipindahatn. Idup nang lekoa toa-toa.
Tapi kade diri nyadar ka kaadaan diri, ka posisi diri' yakin me diri' pasti edo idup. Samua barubah. Diri' pasti mampu manjoat Jubata galak ka diri'. Jubata repo ka diri'.Ia mare tuah rajaki ka idup, mare paso, mare titi, mare maraga, mare dinikng, mare benteng. Arus, arus, arus.